Stjörnustúlkum er spáð 7. sæti í Pepsí Max deild kvenna í árlegri spá sérfræðinga á Fótbolti.net, en Stjarnan endaði í 6. sæti í fyrra þegar deildin var blásin af vegna Covid. Mikil uppbygging hefur verið í gangi hjá Stjörnunni sl. tvö ár og mikið af ungum og efnilegum stelpum að koma upp í meistaraflokinn, en 2. flokkur kvenna varð Íslandsmeistari í fyrra. Fróðlegt verður m.a. að fylgjast með Hildigunni Ýr Benediktsdótur og Anítu Ýr Þorvaldsdóttur, en báðar eru stúlkurnar fæddar 2003. Aníta Ýr hefur þó verið fjarverandi frá áramótum og óvíst hvenær hún byrji að æfa að nýju.
Stjarnan hefur leik sunnudaginn 5. maí nk. og fyrsti leikurinn er gegn silfurliði Vals á Origovellinum. Í annarri umferð fær síðan Stjarnan nýliða Keflavíkur í heimsókn á Samsungvöllinn.
Efsta myndin er af Önnu Maríu Baldursdóttur fyrirliða liðsins og lykilleikmanni. Það skiptir gríðarlega miklu máli fyrir Stjörnuna að hún verði heil heilsu í sumar en Anna María hefur verið töluvert meidd undanfarin tvö ár.
Stjarnan hefur misst 4 leikmenn úr hópnum frá því í fyrra, þær Angela Caloia til Empoli á Ítalíu, Erin McLeod til Orlando Pride í Bandaríkjunum, Shameeka Fishley til Logrono á Spáni og Jana Sól Valdimarsdóttir fór í Val. Stjarnan hefur í staðin fengið fjóra leikmenn, Alma Mathiesen frá KR, Chanté Sandiford frá Haukum, Heiða Ragney Viðarsdóttir frá Þór/KA og Úlfa Dís Kreye Úlfarsdóttir frá FH.
