Skiluðu 400 umsagnarmiðum – Uppskeruhátíð Sumarlesturs

Uppskeruhátíð Sumarlesturs Bókasafns Garðabæjar var haldin laugardaginn 21. ágúst. Gunnar Helgason rithöfundur las úr hinni vinsælu bók Palla Playstation og nýrri bók Drottningin sem kunni allt nema…, sem er væntanleg á næstu dögum, við mjög góðar undirtektir áheyrenda.

Gunnar Helgason og Arnar Dagur, sem er 7 ára, en hann skilaði inn flestum umsagnarmiðum, 35 talsins og stóð við lestrarmarkmiðin sín, og fékk hann sérstaka viðurkenningu

Hátt í 200 börn skráðu sig í sumarlestrarátakið og skiluðu þau um 400 umsagnarmiðum um bækur sem þau lásu í lukkukassann í sumar. Þrír lestrarhestar voru dregnir út á hátíðinni og allir virkir þátttakendur fengu glaðning. Þau heppnu voru Ísey Hrönn 7 ára, Bjartur Þór 7 ára og Gunnar Helgi 7 ára. Sá sem átti metið í umsagnarmiðum, skilaði um 35 miðum og stóð við lestrarmarkmiðin sín, var Arnar Dagur 7 ára og fékk hann sérstaka viðurkenningu.

Starfsfólk bókasafnsins óskar öllum duglegu lestrarhestum sumarsins innilega til hamingju með frábæran lestrarárangur og vonast til að sjá sem flesta á bókasafninu í vetur. Lestur er minn sprengikraftur!

Rósa Þóra Magnúsdóttir

Nýjustu greinarnar

Tengdar greinar