Lögreglubíll varð fyrir tjóni við eftirför við Kauptún og Urriðaholt

Lögreglan á höfuðborgarsvæðinu naut liðsinnis sérsveitarinnar í umfangsmiklum aðgerðum sem stóðu yfir fyrir rúmum hálftíma, en margir ökumenn sáu lögreglubíla á mikilli ferð koma frá Reykjavík og suður í Garðabæ og Hafnarfjörð. Lögreglan var að elta ökumann á Land Cruiser, en um stolinn bíl var að ræða og í ljós kom að ökumaðurinn var undir áhrifum þegar lögreglan náði honum. Lögregluna sakaði ekki þrátt fyrir að hafa lent utanvegar og á staur. Það fór því betur en á horfðist.

Á myndinni sést hvernig einn lögreglubíllinn varð fyrir tjóni er hann lenti á ljósastaur nærri Kauptúni og Urriðaholti.