Á pálmasunnudag, 2. apríl kl. 13, leiðir Ada Stanczak keramikhönnuður smiðju í Hönnunarsafninu. Smiðjan er ætluð allri fjölskyldunni en gestir fá tækifæri til að þrykkja náttúrlegt efni svo sem steina, strá og greinar í leir. Þátttakendur geta einnig gert sitt eigið leirtau og lært einfaldar aðferðir við að pressa leir í mót.
Leir og áhöld verða á staðnum en gestir hvattir til að koma með efni úr náttúrunni til að pressa í leirinn. Að lokinni smiðjunni munu gripirnir verða brenndir og gljáðir en að þremur vikum liðnum geta gestir sótt gripina sína í safnið.
Ada hefur frá því í febrúar dvalið í vinnustofu Hönnunarsafnsins þar sem gestir geta fylgst með henni að störfum.
Þátttaka í smiðjunni er ókeypis og öll velkomin.
