Hið íslenska glæpafélag er 25 ára í ár og í tilefni afmælisins hefur Ævar Örn Jósepsson formaður félagsins samið frábærar og alræmdar spurningar fyrir bókasöfnin í landinu. Spurningakeppnin haldin á mörgum almenningsbókasöfnum samtímis, í aðdraganda Bókasafnsdagsins sem ávallt er fagnað í september.
Bókasafn Garðabæjar býður því upp á Glæpakviss þann 5. september klukkan 17:00. Þá mætir Katrín Jakobsdóttir og lætur gæsahúðina rísa er hún stýrir æsispennandi spurningarkeppni.
Það verður hryllilega góð stemning, glæpsamlega góðar veitingar og leyndardómsfull verðlaun í boði fyrir þau sem þora að mæta.
Ekki láta þig og þitt lið vanta.
