Kjöri íþróttamanna ársins í Garðabæ verður lýst í streymistútsendingu á vefnum sunnudaginn 9. janúar kl. 14. Þá verður einnig tilkynnt um val á „liði ársins“ og „þjálfurum ársins“ auk heiðursviðurkenninga vegna starfa að íþrótta- og æskulýðsmálum.
egna fjöldatakmarkana verður ekki haldin stór samkoma til að heiðra þá sem unnið hafa til afreka á árinu 2021 eins og gert hefur verið undanfarin ár. Kjöri íþróttamanna ársins, konu og karls, verður lýst í beinni útsendingu á vef Garðabæjar sunnudaginn 9. janúar kl. 14:00.
Þá verður einnig tilkynnt um val á „liði ársins“ og „þjálfurum ársins“ auk heiðursviðurkenninga vegna starfa að íþrótta- og æskulýðsmálum.
Þau sem hljóta viðurkenningar fyrir framúrskarandi árangur, þátttöku með landsliðum eða verðlaun á erlendum vettvangi hafa nú þegar verið kölluð til og fengið sínar viðurkenningar afhentar. Myndir frá þeim afhendingum verða sýndar þegar kjöri íþróttakonu og íþróttakarls ársins 2021 verður lýst.
Þá mun Garðapósturinn birta myndir og nöfn allra þeirra sem fá viðurkenningu í blaðinu sem verður dreift 19. janúar nk.
Á myndinni er íþróttafólk Garðabæjar 2020! F.v. Gunnar Einarsson bæjarstjóri, Hilmar Snær Örvarsson, Ágústa Edda Björnsdóttir og Björg Fenger formaður íþróttaráðs og bæjarfulltrúi