Niðjamót GKG verður haldið 1. júlí nk., en mótið hefur heldur betur fest sig í sessi sem undanfari Meistaramótsins. Hugmyndin er sú að niðjar spili saman, þ.e. barn, faðir/móðir, afi/amma en annarskonar fjölskyldutengsl ganga líka upp.
Keppnisfyrirkomulagið er punktakeppni með greensome fyrirkomulagi, sem felur í sér að báðir liðsmenn slá af teig og skip ast síðan á, þannig að sá sem ekki á upphafshögg slær annað högg. Lið eiga að vera þannig skipuð að annar liðsmaður sé afkomandi hins eða tengdabarn. Mótsstjórn getur samþykkt annarskonar fjölskyldutengsl. Forgjöf liðs verður 40% af leikforgjöf þess sem hærri hefur forgjöfina og 60% af forgjöf þess sem lægri hefur hana.
Verðlaun verða veitt fyrir efstu sæti, nándarverðlaun á öllum par 3 holum og súpa og brauð að leik loknum.
Þátttökugjöld renna óskipt til barna- og unglingastarfs GKG
,,Við hvetjum alla til að taka þátt í þessu stórskemmtilega móti, eiga góðan fjölskyldudag saman og styrkja um leið öflugt barna- og unglingastarf GKG,” segir Úlfar Jónsson PGA golfkennari og þjónustustjóri GKG.
Mynd: Siguvegarar á hinu skemmtilega og vinsæla Niðjamóti GKG í fyrra
