Garðabær í samvinnu við bókmenntahátíðina Iceland Noir býður í áhugavert höfundaspjall og notalega samverustund í Sveinatungu á Garðatorgi miðvikudaginn 20. nóvember kl. 19.
Dagskráin hefst með því að Almar Guðmundsson bæjarstóri Garðabæjar opnar samtalið. Þá tekur Eliza Reid við og ræðir við metsöluhöfundinn Anthony Horowitz. Hann hefur skrifað um meðal annars James Bond og Sherlock Holmes og er einnig maðurinn á bak við sjónvarpsþætti á borð við Midsomer Murders og Foyles War.
Því næst mun Yrsa Sigurðardóttir ræða við dönsku spennusagnadrottninguna Söru Blædel sem er þekktust fyrir bækur sína um lögreglukonuna Louise Rick. Sara er einn vinsælasti höfundur samtímans í Danmörku og hafa bækur hennar verið þýddar á yfir 30 tungumál, þar á meðal íslensku.
Guðfinnur Sigurvinsson, formaður Menningar- og safnanefndar Garðabæjar, mun stýra dagskránni.
Allir velkomnir og ókeypis aðgangur
Þetta er viðburður sem áhugafólk um spennu- og glæpasögur ætti alls ekki að láta fram hjá sér fara! Öll velkomin, aðgangur ókeypis.
Eins og áður segir þá fer höfundaspjall Garðabæjar og Iceland Noir fram í salnum Sveinatungu á Garðatorgi og þann 20. nóvember hefst dagskráin klukkan 19:00.
