Páskahátíðin er framundan og við fengum Jón Örn Stefánsson, matreiðslumeistara og eiganda Kjötkompaní í Dalshrauni Hafnarfirði til að koma með klassíska páskauppskrift fyrir lesendur og varð hátíðarlambalæri, fyllt með sælkerafyllingu ásamt villisveppasósu fyrir valinu.
Hátíðar lambalæri
Hitið ofninn í 180°c. Komið kjarnhitamæli fyrir í lærinu og setjið það í ofninn.
Eldunartíminn er ca 60-80 mínútur en best er að fylgjast með kjarnhitamæli og stoppa eldunina í 66°c í kjarna. Látið lærið hvíla í ca 10 mínútur.
Tillaga að meðlæti er villisveppasósa, brúnaðar kartöflur og ferskt grænmeti.
Villisveppasósa
• 20 gr þurrkaðir villisveppir
• 350 ml nautasoð
• 500 ml matreiðslurjómi
• 30 gr smjör
• Ferskt timjan
• 1 stk saxaður laukur
• Sjávarsalt og nýmalaður pipar
• Nautakraftur
Aðferð
Sveppirnir settir í skál og heitu vatni hellt yfir. Látið standa í ca hálftíma. Þá er vatninu hellt af og sveppirnir saxaðir gróft. Smjörið er hitað á pönnu. Laukurinn settur á pönnuna og látinn krauma í ca 3-4 mínútur. Þá er sveppunum bætt saman við, kryddað með sjávarsalti, fersku timjan, nýmöluðum pipar og kjötkrafti. Þá er rjómanum bætt saman við og látið sjóða í ca 10-15 mínútur.
