Á fimmtudaginn 4. maí kynnum við starfssemi GKG og það sem er framundan hjá okkur í sumar!
Við bjóðum nýja félagsmenn alveg sérstaklega velkomna og hvetjum til að mæta um leið og við fögnum eldri félagsmönnum.
Stöðvakynningar verða víðsvegar um húsið okkar frá kl. 18-21 þar sem margt skemmtilegt verður á boðstólnum.
Efri hæðin
- Við kynnum nýtt GKG app sem mun gera upplifun félagsmanna mun þægilegri þegar kemur að skráningu rástíma, móta og upplýsingaöflunar.
- Golfverslun GKG verður opin á efri hæðinni. Tilboð í gangi og hægt að máta klúbbfatnaðinn frá FJ fyrir árið 2023.
- Staðan á völlunum og framkvæmdir s.l. vetur.
- Öldunga-, móta- og kvennanefndin kynna sína dagskrá.
- Mulligan kynnir sumarmatseðilinn og verður með spennandi tilboð.
Neðri hæðin
- Kynning á TrackMan hermunum í Ryder/Solheim salnum.
- Golfakademía GKG kynnir námskeið og almenna kennslu sem er í boði.
- Þjálfarar kynna barna-, unglinga- og afreksstarfið.
- Níu holu púttmót – glæsileg verðlaun fyrir þrjú efstu sætin
- Næstur holu á 11. á Leirdalsvelli í Trackman – glæsileg verðlaun frá Titleist
- ÍSAM kynnir nýjustu kylfurnar frá Ping og Titleist
Léttar veitingar verða í boði.
Við hvetjum alla félagsmenn, nýja sem gamla, til að mæta og eiga góða kvöldstund saman eins og GKG-ingum er einum lagið.
Hlökkum til að sjá ykkur!
Starfsfólk GKG