Miðvikudaginn 4. september hefur aftur göngu sína tónleikaröðin Tónlistarnæring sem fram fer fyrsta miðvikudag í mánuði klukkan 12:15 í sal Tónlistarskóla Garðabæjar.
Það eru þau Bjarni Thor Kristinsson bassasöngvari og Ástríður Alda Sigurðardóttir píanóleikari sem ríða á vaðið. Þau blása áhorfendum kjark í brjóst í upphafi hausts með með kraftmiklum sönglögum og hressandi aríum.
Aðgangur er að venju ókeypis.
Bjarni Thor starfar sem óperusöngvari og leikstjóri og hefur sungið við óperuhús út um allan heim undanfarna áratugi. Ástríður Alda er ein af fremstu píanóleikurum landsins. Hún hefur komið víða fram á tónleikum, ýmist sem einleikari eða með öðrum tónlistarmönnum.
