7. flokkur Stjörnunnar varð Símamótsmeistari auk
þess sem Stjarnan vann fjóra bikara til viðbótar á mótinu
Stelpurnar í 7. flokki Stjörnunnar gerðu sér lítið fyrir og sigruðu Símamótið, sem fram fór í Kópavogi dagana 8.-11. júlí sl. Stjörnustúlkur lögðu Val í spennandi úrslitaleik með einu marki gegn engu, en stúlkurnar léku við hvern sinn fingur á mótinu og töpuðu aðeins einum leik og koma það tap eftir að liðið var búið að tryggja sér sigur í riðlinum sínum.
Stjarnan sendi fjölmennt lið til leiks á mótinu í 7., 6. og 5. flokki og stóðu þau sig öll vel en auk þess sem stúlkurnar í 7. flokki urðu Símamótsmeistarar vann eitt annað lið í 7. flokki og þrjú í 5. flokki bikar á mótinu.
F.v. Lára, Glódís, Gunnhildur, Júlía, Lísa, Klara og Salka.
