Strengjahljómsveitin Spiccato mun halda tónleika í Vídalínskirkju á morgun, laugardaginn 1. mars kl. 17-18, en þar mun hljómsveitin flytja verk eftir ensk tónskáld (Purcell, Handel, Boyce, Elgar, Delius, Holst).
Verkin gefa innsýn í ólík tímabil sögunnar allt frá barokktónlist, klassík, rómantík til nútíma þjóðlaga hughrifa.
Strengjasveitin Spiccato var stofnuð árið 2012 af hópi strengjaleikara sem vettvangur til að flytja strengjatónverk – ekki síst frá Barokk tímanum – þar sem jafnræði ríkir milli hljóðfæraleikara, enginn einn stjórnar. Á æfingum er skipst á skoðunum um túlkun tónverka og allir fá tækifæri til að koma fram sem einleikarar. Á þeim rúmum tiu árum hefur sveitin haldið tuttugu tónleika, flesta í Reykjavík. Aðgangur á tónleikana er ókeypis