Skólagarðarnir í Silfurtúni eru fyrir börn á aldrinum 6 – 13 ára og enn eru nokkrir lausir garðar í sumar. Leiðbeinandi verður á staðnum börnum til aðstoðar. Fjölskyldur sem áhuga hafa á að koma með og hjálpa barni sínu eða börnum eru velkomnar.
Skráning í skólagarðana og val á garði fer fram á staðnum en forráðamenn eru skráðir fyrir þátttökugjaldinu sem er 4.500 kr. Í lok sumars verður svo haldin uppskeruhátíð.
Garðarnir eru opnir á virkum dögum frá kl. 8:00-16:00. Þar er góð aðstaða til dvalar og geta þau sem vilja tekið með sér nesti og neytt á staðnum. Athugið að skólagarðar eru ekki daggæsla. Eldri borgurum býðst að leigja garð í skólagörðunum.
Nánari upplýsingar um skólagarðana veitir Smári Guðmundsson garðyrkjustjóri á netfanginu [email protected]
