Húsgagna- og gjafavöruverslunin Bústoð, sem fagnar 50 ára afmæli á næsta ári, opnar nýja verslun að Miðhrauni 24 í Garðabæ í dag, fimmtudagm klukkan 11.
Bústoð hefur verið starfrækt í Reykjanesbæ frá árinu 1975 og hefur notið mikilla vinsælda fyrir vönduð húsgögn á góðu verði. Ný verslun í Garðabæ er viðbót við núverandi starfsemi en verslun félagsins í Reykjanesbæ mun áfram sinna viðskiptavinum félagsins á Suðurnesjunum.
Gríðarlega spennt að opna nýja verslun í Garðabæ
„Við erum gríðarlega spennt að opna nýja verslun í Garðabænum. Verslunin verður einstaklega falleg, opin, björt og notaleg. Um er að ræða glæsilegan 500 fermetra sýningarsal, þar sem við munum bjóða upp á allar okkar vinsælustu vörur ásamt töluvert af nýjungum. Markmiðið með opnun á nýrri verslun er að bæta þjónustu við viðskiptavini á höfuðborgarsvæðinu en þar eigum við marga trausta viðskiptavini og finnum fyrir mikilli eftirspurn. Bústoð er rótgróið fyrirtæki sem hefur náð góðum árangri í sölu innan sem utan Suðurnesja. Við bjóðum upp á vönduð húsgögn frá þekktum vörumerkjum sem hafa notið vinsælda hér á landi, eins og Calia Italia og skandinavískar vörur frá Skovby og Furnhouse. Við leggjum mikið upp úr góðri, persónulegri þjónustu og hóflegri álagningu alla daga ársins,“ segir Birgitta Ósk Helgadóttir, verslunarstjóri Bústoð í Garðabæ:
Forsíðumynd: Húsgagna- og gjafavöruverslunin Bústoð opnar í dag kl. 11 að Miðhrauni 24 í Garðabæ, við hliðina á nýrri verslun Bónus.