Brynja Dan Gunnarsdóttir verður oddviti Framsóknarflokksins í Garðabæ fyrir komandi sveitarstjórnarkosningar 14. maí nk. og körfuboltakappinn, Hlynur Bæringsson, fyrirliði Stjörnunnar, verður í 2. sæti á lista flokksins samkvæmt heimildum Garðapóstsins, en framboðslistinn verður kynntur á félagsfundi Framsóknar í Garðabæ kl. 19:00 í kvöld.
Þá mun Rakel Norðfjörð Vilhjálmsdóttir skipa 3. sætið og Einar Örn Ævarsson er í 4. sæti.
Brynja Dan Gunnarsdóttir skipaði annað sæti á lista Framsóknarflokksins í Reykjavík norður í þingkosningum sl. haust, en hún hefur verið áberandi á samfélagsmiðlum og í þjóðfélaginu síðustu ár. Flestir þekkja þó sjálfsagt Brynju Dan sem stofnanda Extraloppunnar og fyrir sjónvarpsþáttinn, Leitin að upprunanum sem hún tók þátt, en Brynja er ættleidd frá Sri Lanka og á 14 ára strák.
Forsíðumynd: Brynja Dan (Mynd: Framsóknarflokkurinn).
