Garðabær leitar um þessar mundir að áhugasömum og hæfum samstarfsaðila til að taka þátt í samstarfsverkefni um endurbætur, viðhald og rekstur á húsnæði Garðabæjar við Holtsbúð 87 í Garðabæ.Húsnæðið er betur þekkt undir heitinu Klaustrið og var áður í eigu Sankti Jósefssystra.
Kvöð á húsinu til ársins 2028
Í kaupsamningi Garðabæjar og systranna er kvöð, sem gildir til ársins 2028, um að húsnæðið verði nýtt fyrir starfsemi í þágu aldraðra eða annarrar sambærilegrar starfsemi á sviði mannúðar, heilbrigðismála, barna eða unglinga. Húsnæðið hefur verið í takmarkaðri notkun undanfarið og þarfnast samkvæmt fyrirliggjandi ástandsmati töluverðs viðhalds og endurnýjunar.
Leitað er að aðilum sem t.d. væru tilbúnir til að:
· Kaupa eða leigja húsnæðið að hluta eða í heild til að reka þar starfsemi sem rúmast innan ramma þeirra kvaða sem á því hvíla.
· Sjá um viðhald og endurbætur húsnæðisins m.t.t. þeirrar starfsemi.
Vilja glæða húsnæðið nýju lífi með öflugri starfsemi
Garðabær hefur mikinn áhuga á að húsnæðið gangi í endurnýjun lífdaga hvað varðar endurbætur og gott viðhald og að það sé gætt nýju lífi með öflugri starfsemi sem tekur tillit til umhverfisins og íbúa í nágrenninu.
Útboðsgögnin eru aðgengileg á útboðsvef VSÓ Ráðgjafar á vefslóðinni
https://vso.ajoursystem.net/
Tilboðum skal skila með rafrænum hætti á framangreindan útboðsvef eigi síðar en miðvikudaginn 17. júlí 2024, kl. 14:00.
Skilafrestur útboðsgagna er 17. júlí 2024 kl.14:00 og verða þau opnuð á sama tíma.