Almar leiðir lista Sjálfstæðisflokksins

Aðeins munaði 41 atkvæði á Almari Guðmundssyni og Áslaugu Huldu Jónsdóttur í prófkjöri Sjálfstæðisflokksins í Garðabæ sem fram fór í gær, en lokatölur voru lesnar rétt fyrir klukkan eitt í nótt. Bæði stefndu þau á oddvitasætið ásamt Sigríði Huldu Jónsdóttur, en Almar bar sigur úr býtum, Áslaug Hulda varð í öðru sæti og Björg Fenger, sem sóttist eftir öðru sæti á listanum skaust upp fyrir Sigriríðu Hulda í lokatölunum og varð þriðja og Sigríður Hulda fjórða.

Fjórar konur eru í efstu fimm sætunum á listanum, en alls þarf sex bæjarfúlltrúa til að tryggja sér meirihluta í sveitarstjórnarkosningunum í Garðabæ, sem fram fara 14. maí nk.

Röð og at­kvæði efstu átta var þessi:

1. Alm­ar Guðmunds­son, 832 at­kvæði í 1. sæti
2. Áslaug Hulda Jóns­dótt­ir, 1032 at­kvæði í 1.-2. sæti
3. Björg Fenger, 1153 at­kvæði í 1.-3. sæti
4. Sig­ríður Hulda Jóns­dótt­ir, 1177 at­kvæði í 1.-4. sæti
5. Mar­grét Bjarna­dótt­ir, 828 at­kvæði í 1.-5. sæti
6. Hrann­ar Bragi Eyj­ólfs­son, 1048 at­kvæði í 1.-6. sæti
7. Gunn­ar Val­ur Gísla­son, 1111 at­kvæði í 1.-7. sæti
8. Guðfinn­ur Sig­ur­vins­son, 1193 at­kvæði í 1.-8. sæti

Þátttakan í prófkjörinu var mjög góða en alls tóku 2448 þátt, gild at­kvæði voru 2368.