Það var mikil eftirspurn eftir 4 parhúsalóðum við Kumlamýri og 8 einbýlishúsalóðum í Prýðahverfi, en tilboð í byggingarétt fyrir lóðirnar voru opnuð á fundi bæjarráðs sl. þriðjudag.
Alls bárust 233 tilboð í þessar 12 lóðir. Samtals bárust 161 tilboð í byggingarrétt lóða við Kumlamýri 5-7, 6-8, 17-19 og 21-23 og 72 tilboð bárust samtals í byggingarrétt lóða við Garðprýði 2, 4 og 6. Kjarrprýði 1, 2 og 3 og Steinprýði 2 og 11
Tilboðin komu frá söluaðilum, þ.e. Torg – fasteignasölu, Garðatorg eignamiðlun, Fasteignamarkaðinum og Fasteignasölunni Miklaborg.
Tilboðin verða skráð, flokkuð nánar og tekin til afgreiðslu á fundi bæjarráðs þriðjudaginn 11. júní 2024.
Forsíðumynd: Tilboðin skoðuð! F.v. Almar Guðmundsson, bæjarstjóri, Guðlaugur Kristmunds-son, Margrét Bjarnardóttir og Gunnar Valur Gíslason bæjarfulltrúar
