Af alls 1.643 fyrirmyndarfyrirtækjum á Íslandi eru 70 þeirra staðsett í Garðabæ samkvæmt úttekt Viðskiptablaðsins og Keldunnar yfir Fyrirmyndarfyrirtæki í rekstri fyrir árið 2024 og fækkar þeim um 8 frá því í fyrra.
4% Framúrskarandi fyrirtækja staðsett í Garðabæ
Alls eru 45 Framúrskarandi fyrirtæki staðsett í Garðabæ samkvæmt árlegri útnefningu Creditinfo og fjölgar þeim um eitt frá því í fyrra, en í öllum tilvikum eru þessi 45 Framúrskarandi fyrirtæki einnig Fyrirmyndarfyrirtæki. Alls eru 1.133 sem teljast til Framúrskarandi fyrirtækja í ár og af þeim eru 4% staðsett í Garðabæ.
Tvö fyrirtæki í Garðabæ eru á topp 20 lista Framúrskarandi fyrirtækja yfir stór, meðalstór eða lítil fyrirtæki, en þau eru Marel sem er í 13. sæti á lista yfir stór fyrirtæki og Endurskoðun og ráðgjöf ehf, sem er í 9. sæti á lista yfir lítil fyrirtæki.