Búið er að taka saman skýrslu um nýtingu hvatapeninga fyrir árið 2023 í Garðabæ, en heildarúthlutun ársins var 153.772.649 kr. borið saman við 133.294.802 kr. árið áður. Rafrænar færslur sem greiddar voru frá Garðabæ til félaga voru 140.699.087 kr. eða 91%, handfærðar færslur sem greiddar eru til foreldra samkvæmt greiðslukvittunum voru 13.073.562 kr. 9% af heildarfærslum.
2901 barn af 3758 börnum sem rétt höfðu á hvatapeningum nýttu sér rétt sinn til hvatapeninga að einhverju leyti árið 2023, eða 77% en þau nýttu 74% af sínum rétti til hvatapeninga.
Félög innan Garðabæjar fengu greiddar 110.415.795 kr. eða 78,48% af þessum rafrænu færslum.