Nýlega var aðalfundur FEBG haldinn og var hann fjölmennur en á annað hundrað manns mættu til fundarins, en félagar í FEBG eru núna 1850. Almar Guðmundsson bæjarstjóri Garðabæjar mætti á fundinn ásamt Björgu Fenger formanni bæjarráðs og Svanhildi Þengilsdóttur sviðsstjóra.
Ný stjórn var kjörin en Laufey Jóhannsdóttir var endurkjörin formaður, ný í stjórn eru: Bryndís Sveinsdóttir og Magnús Halldórsson.
Lagðir voru fram ársreikningar til samþykktar. Sem og var lögð fram fjárhagsáætlun fyrir árið 2023.
Árgjald í félaginu er 3.000. Fjárhagsleg staða félagsins er góð.
Í fundarlok kvaddi bæjarstjóri sér hljóðs, ræddi ýmis mál sem á döfinni eru og varða málefni eldra fólks jafnframt tilkynnti að hann væri með samstarfssamning um áframhaldandi stuðning við heilsu- og líkamsrækt fyrir Eldri borgar í Garðabæ.
Samningurinn er framhald af fyrri samningi milli Garðabæjar og FEBG og tekur félagið að sér að bjóða Eldri borgurum upp á fjölbreytt heilsu- og líkamsræktarstarf og skal forvarnargildi hreyfingar og heilsuræktar vera haft að leiðarljósi í verkefninu. Sameiginlegt markmið aðila er að horfa sérstaklega til þess hóps sem er í lítilli virkni.
Forsíðumynd: Þakklætisvottur! Laufey Jóhannsdóttir formaður FEBG afhendir Kolbrúnu Thomas og Hildigunni Hlíðar blóm sem þakklæti fyrir 5 ára setu í stjórn félagsins og fyrir frábært og óeigingjarnt starf í þágu FEBG
