Á vef Garðabæjar er nú hægt að slá inn heiti á götum og sjá hvenær næsta sorp- eða pappírshirðing er í götunni. Búið er að setja upp einfalt form til að hægt sé að fletta upp og sjá næstu losun í einstaka götum. Uppflettilausnin á vef Garðabæjar var sett upp í samstarfi við Hafnarfjarðarbæ sem hefur þróað uppflettilausn sorphirðu á sínum vef.
Sorphirða í Garðabæ
Sorp frá heimilum er almennt hirt á 10-12 daga fresti. Tafir geta orðið vegna veðurs eða frídaga. Hvert heimili fær eina 240 l sorptunnu en í fjölbýlishúsum er einnig möguleiki á 660 l gámum, fyrir hverjar þrjár íbúðir. Hvert heimili fær einnig eina pappírstunnu, hún er tæmd á u.þ.b. 20 daga fresti. Plast má setja í sorptunnuna (orkutunnuna) í lokuðum plastpoka. Plastpokarnir verða flokkaðir sérstaklega frá öðru rusli og þeim komið til endurvinnslu.
