Í kvöld mun Almar Guðmundsson bæjarstjóri Garðabæjar ásamt sviðsstjórum bjóða áhugasömum íbúum til samtals og sitja fyrir svörum á íbúafundi í Urriðaholti, en fundurinn er haldinn í Urriðaholtsskóla og hefst klukkan 19:30.
Fundurinn er haldinn undir yfirskriftinni „Hvað er að frétta í Garðabæ“ og hafa nú þegar tveir fundir verið haldnir undir sömu yfirskrift í október, einn á Álftanesi og annar í Flataskóla.
Á fundinum í kvöld fá íbúar tækifæri til að fara yfir það sem þeim liggur á hjarta, taka til máls og bera fram fyrirspurnir.
Boðið verður upp á kaffi og léttar veitingar. Öll velkomin og hlökkum til samtalsins.
Forsíðumynd: Almar fundaði með bæjarbúum í Flataskóla sl. mánudag, en lokafundurinn af þremur er í kvöld í Urriðaholtsskóla.
