Páskarnir eru á næsta leiti og við fengum Jón Örn Stefánsson, matreiðslumeistara og eiganda Kjötkompaní í Dalshrauni Hafnarfirði til að koma með klassíska páskauppskrift fyrir lesendur og varð hátíðarlambalæri fyrir valinu ásamt villisveppasósu.
Hátíðar lambalæri
Eldunarleiðbeiningar:
Hitið ofninn í 170 gráður, komð kjarnhitamæli fyrir í lærinu og setið lærið í ofninn, eldunartíminn er ca 90 mínútur en best er að fylgjast með kjrnhitamæli og stoppa eldun í 66 gráðum í kjarna. Látið svo lærið hvíla í ca 10 mínútur.
Tillgaga að meðlæti er villisveppasósa, ofnbakaðar kartöflur og ferskt grænmeti.
Villisveppasósa
Hráefni:
20 gr villisveppir þurrkaðir 350 ml nautasoð
500 ml Rjómi
30 gr smjör
Ferskt timjan (bara lítið)
1 stk laukur saxaður Sjávarsalt og nýmalaður pipar Nautakjötkraftur
Aðferð:
Sveppirnir eru settir í skál og heitu nautasoði hellt yfir, látið vera í heitu soðinu í ca hálftíma, síðan er soðinu hellt af sveppunum og soðið er geymt en sveppirnir eru saxaðir gróft. Smjörið er hitað á pönnu, laukurinn settur á pönnuna og látinn krauma í ca 3-4 mínútur, sveppunum bætt samanvið ásamt soðinu, kryddað með sjávarsalti, ferku timjan, nýmöluðum pipar og smá kjötkrafti síðan er rjómanum bætt samanvið og látið sjóða í ca 10-15 mínútur.
