Eins og undanfarin ár er hundum bannaður aðgangur í friðlandi Vífilsstaðavatns og við Urriðavatn yfir varptímann, tímabilið 15. apríl – 15.ágúst.
Hundum er bannaður aðgangur til þess að friðhelgi fugla við Vífilsstaðavatn verði tryggt allan varp- og ungatímann, samþykkti bæjarráð Garðabæjar fyrir áramót tillögu umhverfisnefndar um lengingu á hundabanni á varptíma við Vífilsstaðavatn og gildir það sama um Urriðavatn. Hundaeig-endur, veiðimenn og útivistarfólk er vinsamlegast beðið um að vernda fuglalífið í friðlandi Vífilsstaðavatns, virða friðhelgi fugla um varptímann, ganga vel og snyrtilega um svæðið og virða.
Óheimilt er að veiða á merktu svæði norðanmegin í vatninu vegna verndunar varpsvæða flórgoðans og öll umferð báta og kajaka er bönnuð á vatninu.
Hundar þurfa ávallt að vera í bandi
Á meðan hundabann er í gildi við vötnin er hundaeigendum bent á að þeir geta farið með hunda sína í göngu t.d. við skógræktarsvæðið í Smalaholti og Sandahlíð. Hundar eiga ávallt að vera í bandi og taka þarf tillit til annars útivistarfólks og dýralífs á svæðunum.
Að gefnu tilefni má minna á sérstakt lausagöngu- og útivistarsvæði fyrir hunda á Bala í Garðahverfi. Hundaeigendur eru minntir á að hirða upp eftir hunda sína og skila úrganginum í næstu ruslatunnu.
Nánari upplýsingar um gönguleiðir má finna á vef Garðabæjar.
